19.09.2022
ДЗЕНЬ ПЕРШЫ “БАГАЦЦЕ РОДНАЙ МОВЫ”
Першы дзень Тыдня роднай мовы прайшоў творча і цікава.
Акцыяй “Размаўляй са мной па-беларуску” пачаўся дзень у вучняў і педагогаў установы адкуцыі. Вучні 1-4 класаў пад кіраўніцтвам настаўнікаў аформілі віншавальныя паштоўкі з пажаданнямі роднай мове. Выхаванцы дзіцячага сада прынялі ўдзел у марафоне “Мова родная – мова модная”. Чурылава Л.М., Бубен Я.С. правялі змястоўную экскурсію ў музейным кутку “Беларуская хатка”. Вучні 4 класа, выхаванцы першай рознаўзроставай групы змаглі пазнаёміцца не толькі з цікавымі прадметамі побыту беларусаў, але і даведацца, як гучаць назвы дадзеных прадметаў па-беларуску. Своеасаблівым вынікам першага дня стала стварэнне інтэрактыўнага воблака слоў “Маё любімае слова па-беларуску”. Самымі важнымі словамі сталі словы “Радзіма”, “Беларусь”, “мама”, “тата”.
