16.09.22

ДЫКТАНТ «ДЗЕНЬ НАРОДНАГА АДЗІНСТВА»

16 верасня 2022 года вучні 8 – 9-х класаў прынялі ўдзел у рэспубліканскім гістарычным дыктанце, прысвечаным Дню народнага адзінства.

         У час напісання дыктанта вучні яшчэ раз вывучылі і замацавалі асноўныя вехі тых далёкіх падзей 17 верасня 1939 года.

         У 2021 годзе было зацверджана новае дзяржаўнае свята – Дзень народнага адзінства. Яно адзначаецца 17 верасня.

         17 верасня стала для беларусаў святам яднання і свабоды. Народ Беларусі стаў жыць адной сям’ёй, будаваць агульны дом. Адноўленае адзінства дазволіла Беларусі выстаяць у гады Вялікай Айчыннай вайны.

         “Калі б не было гэтага дня, не было б нашай краіны і не было б нас. Гэта святы для нас дзень”, – адзначыў Прэзідэнт Рэспублікі Беларусь Аляксандр Рыгоравіч Лукашэнка.

         Дзень народнага адзінства – даніна павагі тым, хто рупліва працаваў на карысць нашай Радзімы, і напамін нашчадкам пра неабходнасць захавання адзінства і незалежнасці Беларусі!

         Так будзем жа ўсе памятаць і шанаваць гісторыю свайго народа!